Эзотерика и самопознание TV

Эзотерика И Самопознание Tv
28 апреля 2016

Козельщанская икона Божией Матери

Празднование Козельщанской иконы происходит 6 марта (21 февраля по старому стилю).

О чем молятся Козельщанской иконе: молятся об исцелении тяжких телесных недугов при различных телесных повреждениях; об устройстве семейного счастья.

Молитва Козельщанской иконе Богородицы

Богородице Дево, Пренепорочная Мати Христа Бога нашего, всего рода христианскаго Заступнице! Чудотворней иконе Твоей благоговейно предстояще, молим Тя прилежно: услыши нас, молящихся Тебе: приими благодарения наша недостойная о всех неизреченных Твоих к нам благодеяниих, в месте сем и во многих весях и градех земли Российския явленных и являемых: Ты бо еси больных исцеление, скорбящих утешение, заблуждших исправление и вразумление. Буди всем нам покров и утишное, пристанище от всяких зол, бед и обстояний, от глада, труса, потопа, огня, меча, нашествия иноплеменник, смертоносныя язвы и от злых человек озлобления. О Премилосердая Мати, буди присно молитвенница любвеобильная о благостоянии святаго храма сего, о мире и тишине жительства святыя обители сея: укрепи и поддержи священнодействующыя и служащыя во святем храме сем. Осени вседержавным покровом Твоим строители и благотворители святыя обители сея, воздаждь им вечными дары щедрот Твоих, заступи от всякия напасти и сохрани с верою и благоговением притекающыя к чудотворной иконе Твоей и молящыяся Тебе с любовию зде и на всяком месте. Вознеси молитвы наша, яко кадило благовонное, ко Престолу Всевышняго, дарующаго нам здравие, долгоденствие и в трудех благочестивых поспешение, да Твоим водительством управляеми и покровом Твоим осеняеми, прославим Отца и Сына и Святаго Духа, и Твое Матернее о нас заступление, всегда, ныне и присно и во веки веков. Аминь.